Ji cildên herdu berheman

Ji cildên herdu berheman

Romana Jan Dostî ”Xwîna li ser minareyê” ku bi erebî nivîsîbû û li Qahireyê berî yanzde mehan ji nav weşanên Meqamê derketibû, careke din ҫap bû. Her wekî tê zanîn mijara romanê kuştina şeş kurdên sivîl li bajarê Amûdê ye û ew 288 rûpel e.

Li aliyekî din ji wê weşanxaneyê bi xwe, sêyemîn ҫapa şiroveya Mem û Zînê  derket. Berî wan hersê ҫapan Jan Dost şiroveya Mem û Zînê a bi erebî, li Şamê, Beyrûtê, Duhokê ҫar caran weşandibû. Anku ҫapa vê dawiyê derket ya heftemîn e.  Her weha ewî bi kurmanciya nûjen jî ew şiroveya xwe li ba Avestayê li Stenbolê belavkiribû.

Beşek ji romana Xwîna li ser minareyê:

„Xelk li binê minara birîndar kom bûbûn. Tirsa wî dîmenî durûvên wan bi kêfa xwe ji nûve saz kiribû. Hemî rû ber bi jor ve bûn û li wê xwîna ciwan a ku bi dîwarên zer ve diherikî dinêrîn. Li jora minarê jî hîveke ziravik bi alî ezmanê lal de mîna devekî ku hişiyariya wêranekê dide, vekirî bû.

Pêşî xwîn giran giran mîna tayên sor ji jor de dawerivî, paşê ew ta her ku ҫû stûr bûn û xwîn herikî heta ku dîwarên minarê tev sor bûn. Xelkê êdî dengê herikîna xwînê bihîst û bi devên jihevbûyî yên mîna wê hîva ziravik a lal lê guhdarî dikirin.

Ew herikîn, herikînek bû ku avika lezok anî bîra zirnêrên li jêr minarê kombûyî ku şeva dî rijandibûn malzarokên jinên xwe ên stûxwar. Eynî wê şevê, Eşawisan xwîna dehan kes rijandibûn. Dehan kesên ku ji bo serbestberdana hevalên xwe derketibûn kolanan û xwepêşandanek lidarxistibûn. Ҫar kes di ciyê xwe de bi gulleyên doşkayê hatin kuştin“.


--------------------------------------------------------
Kulturname-Nûçe  - info@kulturname.com
Weşandin:    2015-05-17   2,682 caran hat dîtin

    Vê nivîsê çap bike!
--------------------------------------------------------


----------------------------------------------------------------