900 morîkên belavbûyî

900 morîkên belavbûyî

Romana nû ya Helîm Yûsivî “99 morîkên belavbûyî” ji nav weşanên PEYWENDê li Amed û li Stenbolê derket.

Ev roman, çîroka Azadê sêwî yê Amûdî ye ku wî piştî pêkutiyên dewleteke despot berê xwe daye Elmanyayê û li wir li kampekê bûye penaber. Azad, bi wergirtina mafê rûniştinê re, wekî kar ji xwe re wergêriyê hildibijêre. Bi baweriya wî, wergêrî pirekê di navbera du însanan de ava dike. Lê Azad ne wergêrê însanên halxweş e. Wekî wî bi sedan însan koçber bûne û li perekî Elmanyayê rastî nexweşiyên derûnî hatine. Veguheztina derd û kulên mezin ên van însanan ji bo derûnînas û rêveberên dewletê, her car hinekî din ji Azad re dibe xem û barekî giran. Lê bi xêra vî karî em hem dibin şahidê êşên koçberiyê, serpêhatiyên lehengên balkêş, trawmayên welatekî parçebûyî û hem jî ji nêz ve em çîroka razên evîneke kevn nas dikin. Bi sehne û rewşên realîst re 99 Morîkên Belavbûyî hem romaneke pana­romîk e û hem jî bi teferûatên hûr çîroka karakterekî hûmanîst e. Çîroksaziya wê jî bi têra xwe bi hostayî hatiye hûnandin.

Hêjayî gotinê ye, ku berî demekê weşanxaneya Peywendê dest bi jinûveweşandina hin berhemên Helîm Yûsivî kiribû û çavlirê ye ku heta dawiya vê salê hemû berhemên wî ji nû ve bêne weşandin.


--------------------------------------------------------
Weşanên Peywend  - peywend-@hotmail.com
Weşandin:    2015-05-15   1,615 caran hat dîtin

    Vê nivîsê çap bike!
--------------------------------------------------------


----------------------------------------------------------------